መከላከል

የጡት ካንሰር ምርመራ

የሲያትል የካንሰር እንክብካቤ አሊያንስ (SCCA) የሚገኙ የጡት ጤንነት ባለሙያዎች የጡት ካንሰር ምርመራ የሚያቀርቡ ሲሆን በእድሜዎ፣ በጤንነትዎ፣ በአደጋ ደረጃዎ፣ እና ሌሎች መስፈርቶች ላይ በመመርኮዝ የትኛው ምርመራ ለእርስዎ ተስማሚ እንደሆነ በማወቅ ሊረዱዎ ይችላሉ። 

የህክምና ምርመራዎች ምንም አይነት የጡት ካንሰር ምልክቶች ለሌላቸው ሴቶች በመደበኛ ፕሮግራም ይደረጋሉ። እነዚህ ምርመራዎች ሳይታዩ ሊታለፉ ይችሉ የነበሩ ምልክቶችን ይለያሉ።

ይሄ እጅግ አስፈላጊ ነው፣ ምክንያቱም ቀድመን በሽታውን ባወቅን ቁጥር የተሸላ ነው። አነስተኛ፣ የመጀመሪያ ደረጃ የጡት ካንሰር ያለባቸው ሴቶች ብዙ የህክምና አማራጮች እና ከፍተኛ የመዳን እድል አላቸው።

ለምን SCCAን ለምርመራ መምረጥ እንዳለብዎ

እኛ የምንመክራቸው የጡት ካንሰር የህክምና ምርመራዎች—ማሞግራፊ እና፣ ለአንዳንድ ሴቶች የጡት MRI—በምርጥ ሳይንሳዊ ማስረጃዎች ላይ የተመረኮዙ ናቸው፣ ለምሳሌ SCCA እንደሚያቀርባቸው ሁሉም እንክብካቤዎች።

  • SCCA በአሜሪካ የራዲዮሎጂ ኮሌጅ የጡት ኢሜጂንግ የልቀት ማዕከል እውቅና ተሰጥቶታል።
  • ምርመራዎችዎን የሚያደርጉት እና የሚተነትኑት ቴክኖሎጂስቶች እና ራድዮሎጂስቶች በጡት ምስል ላይ በብቃት የተካኑ ስለሆኑ በ SCCA ምርመራ ሲያደርጉ በራስ የመተማመን ስሜት ሊኖርዎት ይችላል። ራዲዮሎጂስቶቻችን የ UW ህክምና ዶክተሮች ናቸው።
  • እንደ 3D ማሞግራፊ ያሉ ግንባር ቀደም ቴክኖሎጂዎችን የምንጠቀም ሲሆን፣ ምስል በመጠቀም የጡት ካንሰር በጊዜ ለመለየት ምርምርን በንቃት በማካሄድ ላይ እንገኛለን።
  • ለአእምሮዎ ሰላም እንዲሰጥዎት ለማስቻል፣ በዚያው እለት የምርመራዎን ውጤት የምንሰጥበት ቀጠሮ የመምረጥ አማራጭ አለዎት።
  • ራዲዮሎጂስትዎ ያልተለመዱ የሚመስሉ ህብረ ህዋሳትን ለመመርመር ባዮፕሲን ከመከረዎት፣ በዚያኑ ቀን የባይዮፕሲ አገልግሎቶችን እናቀርባለን።

 

ማሞግራፊ

የምርመራ ማሞግራሞች እጅግ የተለመዱ እና እጅግ የተጠኑ የጡት ካንሰር የህክምና ምርመራዎች ናቸው። ካንሰርን በጊዜ በመለየት ህይወትን ያተርፋሉ።

  • ማሞግራም ራዲዮሎጂስት እርስዎ ወይም የጤና እንክብካቤ አቅራቢዎ ልትገነዘቧቸው ያልቻላችኋቸውን ትንሽ የሆኑ ያልተለመዱ ነገሮችን እንዲያይ የሚያስችለውን የጡትዎን ምስል ለመፍጠር X-ሬይ ይጠቀማል።
  • በSCCA ውስጥ፣ 3D ማሞግራፊ ወይም ዲጂታል የጡት ቶሞሲንተሲስ የሚባል እጅግ የላቀ የማሞግራፊክ ቴክኖሎጂን እንጠቀማለን።
  • 3D ማሞግራፊ ብዙ የጡትዎን ፎቶግራፎች በአንድ ጊዜ ይወስዳል። ይሄ ማለት በጊዜ እውነተኛ ካንሰርን እና ጥቂት ሀሰተኛ የሆነ የበሽታ ምልክትን (ጤናማ በሆነ ህብረ ህዋስ ውስጥ ካንሰር አለ ብሎ መጠራጠር) የማግኘት የተሻለ እድሎች አሉት ማለት ነው።
  • አንዴ ማሞግራም ካደረጉ፣ ጥቅጥቅ ያለ ጡት እንዳለዎት ሊረዱ ይችላሉ። ይህ መረጃ ግራ ሊያጋባ ስለሚችል፣ ስለ ጡት ጥግግት እና ማወቅ ስላለብዎት መረጃ እዚህ አለ። 

 

ቦታዎች

በርካታ ምቹ ቦታዎችን እናቀርባለን:

  • SCCA የሴቶች ማዕከል በSCCA South Lake Union ውስጥ
  • SCCA የማሞግራም ቫን (የተለያዩ ሞታዎች)ታዎች)
  • SCCA በ UWMC-Northwest ውስጥ
  • UWMC-Roosevelt
  • UW Eastside Specialty Center

 

የማሞግራም ወይም የጡት MRI ቀጠሮ ይያዙ

ስልክ (206) 606-7800

ኢሜይል imagingsched@seattlecca.org

በቅርብ ዝግጅት ላይ የማሞግራም ቫን ስለመኖሩ ለመጠየቅ እባክዎን ከላይ ባለው ቁጥር ይደውሉ።

የምርመራ ማሞግራም ያስፈልገኛል?

የምርመራ ማሞግራሞች በሽታው ባለባቸው ነገር ግን በጡታቸው ውስጥ እብጠት በማይሰማቸው በአብዛኛዎቹ ሴቶች ውስጥ የጡት ካንሰርን ይለያሉ። ህመሙ ከመሰማቱ በፊት ካንሰርን በመለየት፣ ማሞግራሞች ህይወት ያተርፋሉ።

  • የSCCA ዶክተሮች እድሜያቸው 40 እና ከዚያ በላይ የሆኑ ለጡት ካንሰር በአማካይ ተጋላጭ የሆኑ ሴቶች በየአመቱ የምርመራ ማሞግራም እንዲያካሂዱ ይመክራሉ።
  • ይሄ SCCAን ጨምሮ፣ የሀገሪቱ መሪ የካንሰር ማዕከላት ጥምረት ከሆነው ከብሄራዊ አጠቃላይ የካንሰር ኔትወርክ መመሪያዎች ጋር ይዛመዳል።

ይህ ምክር ለሁሉም ሰው ተስማሚየሚሆን አይደለም።

  • ከአማካይ-ከፍ-ያለ ተጋላጭ ከሆኑ፣ ቀደም ብለው እና በተደጋጋሚ ምርመራዎች ማድረግ ሊያስፈልግዎ ይችላል።
  • አንዳንድ ሴቶች ቆየት ብለው ምርመራ ማድረግ ሊጀምሩ ወይም አልፎ አልፎ መመርመር ሊወስኑ ይችላሉ።

እንደ የአሜሪካ የካንሰር ማህበር እና የዩናይትድ ስቴትስ የመከላከያ አገልግሎቶች ግብረ ሀይል ያሉ ድርጅቶች ምርመራ መጀመር ባለበት እድሜ እና ምርመራ መደረግ ያለበት በየአመቱ ወይም በየሁለት አመቱ መሆኑን ይለያያሉ።

  • በጣም አስፈላጊው ነገር ከተጋላጭነትዎ፣ እሴቶችዎ፣ እና ምርጫዎችዎ ጋር በሚዛመድ ልዩነት በየጊዜው ምርመራዎችን ማድረግዎ ነው።
  • እንክብካቤ አቅራቢዎ ወይም በ SCCA የሴቶች ማዕከል ያለ ባለሙያ ተጋላጭነትዎን ሊገመግም እና ሊያስረዳዎት የሚችል ሲሆን፣ ለእርስዎ ተስማሚ የሆነውን የምርመራ የጊዜ ሰሌዳ እንዲወስኑ ሊረዳዎት ይችላል።
ማሞግራም የማድረግ አደጋዎች ምንድን ናቸው?

ለአብዛኛዎቹ ሴቶች፣ ማሞግራም የማድረግ ጥቅሞች ከአደጋዎቹ ይበልጣሉ። ነገር ግን፣ እንደ ሁሉም ምርመራዎች ማሞግራሞች የተወሰኑ አደጋዎች አሏችው:

  • አብዛኛዎቹ የጡት ካንሰሮች ማሞግራሞች ላይ ይታያሉ፣ ግን አንዳንዶቹ አይታዩም። የጡት ህመም ስጋት ካለብዎት፣ ስለ ምልክቶችዎ ዶክተርዎን ወይም የጡት ጤንነት ባለሙያዎን ያናግሩ። ምንም ችግር ያላሳየ ማሞግራም አካሂደውም ቢሆን እንኳን ይህን ማድረግ አስፈላጊ ነው። 
  • ማሞግራም "ሀሰተኛ የሆነ የበሽታ ምልክት" ሊያሳይ ይችላል። ሀሰተኛ የሆነ የበሽታ ምልክት የምንለው ተጨማሪ ምርመራዎች ከተደረጉ በኋላ ካንሰር ሳይሆን የሚገኝ ማሞግራም ግን ችግር ሊሆን የሚችል ብሎ ሲያሳይ ነው። እነዚህ ምርመራዎች ተጨማሪ የምስል ምርመራዎችን ወይም በቤተ ሙከራ ውስጥ ለመፈተሽ ትንሽ የህብረ ህዋስ ናሙና (ባዮፕሲ) መውሰድ ሊያካትቱ ይችላሉ።
  • በSCCA እና UWMC ውስት፣ውስ ሀሰተኛ የሆነ የበሽታ ምልክቶች ከ10 ፐርሰንት በታች ለሆኑ ሴቶች ይከሰታሉ (ከ100 ሴቶች ከ 10 በታች)። ይሄ በአሜሪካ ካሉ የጤና እንክብካቤ ተቋማት ከአማካዩ የተሻለ ነው። 
ውጤቶቹን ማን ይተረጉማቸዋል?

በጡት ምስል የሰለጠነ ባለሙያ ምስሎችዎን ያነብና የምስሎቹን ትርጉም ያብራራልዎታል። ማሞግራሞችን የሚያነቡ የSCCA እና UWMC ራዲዮሎጂስቶች በአሜሪካ የራዲዮሎጂ ቦርድ የብቃት ማረጋገጫ ያላቸው እና በጡት ምስል ላይ ተጨማሪ ስልጠና የወሰዱ ናቸው። ራዲዮሎጂስቶቻችን ከብሄራዊ የብቃት ደረጃ መመዘኛ መስፈርት የላቀ ብቃት አላቸው። 

3D ማሞግራፊ

SCCA ለሁሉም ታካሚዎች እንደ መደበኛ የማሞግራፊ ምርመራ ዲጂታል የጡት ቶሞሲንተሲስ ወይም DBT በመባል የሚታወቅ 3D ማሞግራፊ ያቀርባል። ይህ ዘመናዊ ቴክኖሎጂ ዶክተሮች የጡትዎን ህብረ ህዋስ በበለጠ ጥልቀት፣ አንድ በአንድ ንብርብር እንዲመረምሩ ያስችላቸዋል።

በ 2D (የተለመደው) ማሞግራፊ፣ የጡትዎ አንድ ምስል ከላይ እና አንድ ምስል ደግሞ ከጎን ይወሰዳል። 3D ማሞግራፊ የጡትዎን ብዙ ምስሎች ከሁለቱም አንግሎች የሚወስድ ሲሆን፣ እያንዳንዳቸው 1 ሚሊሜትር ብቻ ውፍረት ወዳላቸው ንብርብሮች ክምር ወይም “ቁርጥራጮች”ለመቀየር ከፍተኛ ሀይል ያለው ኮምፒውተርን ይጠቀማል።

ይህ ማለት ራዲዮሎጂስትዎ የጡት ካንሰሮችን በበለጠ በግልጽ ማየት እና በበለጠ በራስ መተማመን ግምገማ ሊያቀርብልዎ ይችላል። 3D ማሞግራፊ በእውነቱ የተለመደ የሆነ ነገር ግን በ 2D ምስል ላይ ያልተለመደ ሊመስል የሚችል የህብረ ህዋስ ተከታታይ ምርመራ አስፈላጊነትን ሊቀንስልዎ ይችላል።

የ 3D ማሞግራም ማድረግ የ 2D ማሞግራም ከማድረግ ጋር እጅግ ተመሳሳይ ነው። በልዩ ሁኔታ የሰለጠነ ቴክኖሎጂስት ጡትዎን በልዩ መድረክ ላይ ያስቀምጣል እና እንደ መቀዘፊያ ባለ ነገር ስር ይጨምቀዋል። የ X-ሬይ ክንዱ ብዙ ምስሎችን በማንሳት በጡትዎ ላይ ያልፋል።

 

SCCA የማሞግራም ቫን

ማሞግራም በቀላሉ ማግኘት እንዲችሉ የ SCCA ማሞግራም ቫን በ Puget Sound አካባቢ ያልፋል። የ SCCA ማሞግራም ቫን በአካባቢዎ መቼ እንደሚኖር ለማየት የጊዜ ሰሌዳችንን ይመልከቱ።

SCCA Mammogram Van Schedule (PDF)

ስልክ (206) 606-7800

 

የጡት ማግኔቲክ ሪዞናንስ ምስል (MRI)

የጡት MRI የጡት ካንሰርን ለመለየት እና በበሽታው አዲስ ለተያዙ ሴቶች ምርጥ ህክምናዎችን ለማቀድ ሀይለኛ መሳሪያ ነው። MRI ለአንዳንድ ሴቶች አስፈላጊ የሆነ ተጨማሪ የህክምና ምርመራ ነው። የጡት MRI ጡቶችን ለመሳል ከ X-ሬይ ይልቅ ጠንካራ ግኔቲክማግኔቲክ ፊልድ ይጠቀማል። በማሞግራም ለማየት የሚያዳግቱ የጡት ካንሰሮችን ለመለየት ይረዳል።

  • በአጠቃላይ፣ በጡት ካንሰር የመያዝ ተጋላጭነትዎ ከፍተኛ ከሆነ፣ ከማሞግራም ጋር አብሮ የጡት MRI ምርመራ ማድረግ ጠቃሚ ነው።
  • የ SCCA ራዲዮሎጂስቶች ከፍተኛ ጥራት ያለው የጡት MRI ምስሎችን በማግኘት እና የትኞቹ ሴቶች ከ MRI የበለጠ ተጠቃሚ እንደሚሆኑ በመለየት የተካኑ ናቸው።
  • እንዲሁም ይህንን ቴክኖሎጂ በተሻለ መንገድ እንዴት መጠቀም እንደሚቻል የሚፈትሹ የጡት MRI ምርምሮች እና የክሊኒክ ሙከራዎች እናካሂዳለን።

 

የጡት MRI ቀጠሮ ይያዙ

ቀጠሮ ለመያዝ የሚፈልጉ ከሆነ ወይም ስለጡት ካንሰር ተጋላጭነትዎ እርግጠኛ ካልሆኑ እና የጡት MRI ለእርስዎ ትክክል መሆን አለመሆኑን ለማወቅ ተጨማሪ መረጃ ማግኘት ከፈለጉ፣ ከጤና እንክብካቤ አቅራቢዎ ጋር ይነጋገሩ ወይም እኛን ያነጋግሩን። 

ስልክ: (206) 606-7800 

የጡት MRI ምርመራ ማድረግ ያስፈልገኛል?

SCCA በጡት ካንሰር የመያዝ ከፍተኛ ተጋላጭነት ላላቸው ሴቶች በማሞግራፊ እና አልትራሳውንድ ላይገኙ የሚችሉ የካንሰር ምልክቶችን ለማግኘት የጡት MRI ምርመራ ስካኒንግ ያቀርባል። 

ከሚከተሉት መካከል አንዳችው እውነት ከሆኑ፣ እኛም ልክ እንደ ብሄራዊ አጠቃላይ የካንሰር ኔትወርክ፣ከሆኑ እኛም ልክ እንደ ብሄራዊ አጠቃላይ የካንሰር ኔትወርክ ሴቶች ከማሞግራም ጋር አብረው አመታዊ የጡት MRI ምርመራ እንዲያደርጉ እንመክራለን:

  • ቢያንስ የ 20 ፐርሰንት የእድሜ ልክ የጡት ካንሰር ተጋላጭነት አለዎት። (ዶክተሮች ተጋላጭነትዎን የሚያሰሉበት መሳሪያ አላቸው።)
  • ከ10 እስከ 30 ባለው የእድሜ ክልል ውስጥ እያሉ ደረትዎ ላይ የጨረር ህክምና ነበረዎት።
  • ለጡት ካንሰር በዘር የሚተላለፍ ቅድመ ዝንባሌ አለዎት።
አዲስ የተያዙ ከሆኑ

የጡት ካንሰር እንዳለብዎት በቅርብ ከተረጋገጠ፣ የጡት MRI ዶክተሮች ለእርስዎ እጅግ ውጤታማ ህክምናዎችን እንዲመርጡ ሊያግዝ ይችላል። MRI ዎች አንድ ህክምና ምን ያህል ውጤታም በሆነ መልኩ እየሰራ እንደሆነ ለመቆጣጠርም ይጠቅማሉ። የ SCCA ባለሙያዎች ቡድንዎ የጡት MRI ስለማድረግ እና እንዴት ሊረዳዎት እንደሚችል ሊያናግርዎ ይችላሉ።

በጡት MRI ምርምር እንክብካቤን ማሳደግ

የ SCCA ራዲዮሎጂስቶች ከፍተኛ ጥራት ያለው የጡት MRI ምስሎችን በማግኘት እና የትኞቹ ሴቶች ከ MRI የበለጠ ተጠቃሚ እንደሚሆኑ በመለየት የተካኑ ናቸው። የጡት MRI በዋነኝነት በከፍተኛ ተጋላጭነት ላይ ያሉ ሴቶችን ለመመርመር እና የጡት ካንሰር እንዳለባቸው የታወቁ ሴቶችን ለመገምገም ጥቅም ላይ የሚውል ሲሆን፣ በሌሎች አይነት ታካሚዎች ላይ ያለውን ጠቀሜታ እየተመራመርን ነው።

ሌሎች የጡት ምስል ምርመራዎች

የ SCCA ባለሙያዎች የጡት ካንሰርን ለመመርመር ስላሉት ምርጥ መንገዶች የቅርብ ጊዜንጊዜ ሳይንሳዊ ማስረጃን በየጊዜው የሚገመግሙ ስለሆነ፣ ማንኛውም እኛ የምናቀርበው ምርመራ ከአደጋው ጥቅሙ እንደሚያመዝን እርግጠኛ መሆን ይችላሉ።

ማሞግራፊ እና MRI በምስል የጡት ካንሰርን ለመለየት በግምባር ቀደምነት የተረጋገጡ መንገዶች ናቸው።

ጥቅጥቅ ያሉ ጡቶች ያላቸውን ሴቶች ለመመርመር ሌሎች የምስል ምርመራዎች ጥቅም ላይ ሲውሉ ወይም ሲጠኑ ሊሰሙ ይችላሉ። ከእነዚህ ሌሎች ምርመራዎች አንዳቸውም ህይወትን ስለማዳናቸው አልተረጋገጡም። ለዚህም ነው በ SCCA ያሉ ዶክተሮች ለብዙ ሴቶች በመደበኛነት የማይመክሯቸው።

ከማሞግራፊ እና ከጡት MRI ውጪ ሊሰሟቸው የሚችሉ በጣም የተለመዱ የህክምና ምርመራዎች እነዚህ ናቸው:

  • የአልትራሳውንድ ምርመራ: አልትራሳውንድ በማሞግራም ላይ የተገኘውን እብጠት ወይም አጠራጣሪ አካባቢ በተሻለ ለመመልከት በጣም ጥሩ መሳሪያ ነው። ነገር ግን ምልክቶች የሌላባቸውን ሴቶች ለመመርመር በአጠቃላይ እንደሌሎቹ መንገዶች ጠቃሚ አይደለም። ይህም ከሚለያቸው ትክክለኛ የካንሰር ቁጥሮች ጋር ሲነጻጸር ብዙ ሀሰተኛ የሆነ የበሽታ ምልክቶች (ካንሰር ሳይሆኑ የሚቀሩ አጠራጣሪ አካባቢዎች) ስለሚፈጥር ነው። በ SCCA ውስጥ፣ በዋናነት በከፍተኛ ተጋላጭነት ላይ ላሉ እና በሌሎች የህክምና ጉዳዮች ምክንያት MRI ማድረግ በማይችሉ ሴቶች የአልትራሳውንድ ምርመራ እንጠቀማለን።
  • ሞለኪዩላር የጡት ምስል፣ ጡት-ተኮር ጋማ ምስል (BGSI) (scintimammography ተብሎም ይጠራል) እና ፖሲትሮን የሚለቅ ማሞግራፊ (PEM) ጨምሮ: ከማሞግራፊ ጋር ሲነጻጸር፣ እነዚህ ቴክኖሎጂዎች ሴቶችን የጤና አደጋ ሊያመጡ ለሚችሉ ከፍተኛ የጨረር መጠን ያጋልጣሉ። ምንም እንኳን አንዳንድ ማዕከላት BGSI እና PEM ቢሰጡም፣ እነዚህን ምርመራዎች እንዴት መጠቀም እንዳለብን ለመወሰን ተጨማሪ ምርምር ያስፈልጋል።
  • ያጠረ ወይም ፈጣን MRI: ይህ አጭር የጡት MRI ምርመራ ከማሞግራም ጋር አብሮ ጥቅም ላይ ሲውል ጥቅጥቅ ያሉ ጡቶች ባላቸው ሴቶች ላይ ካንሰርን ለመለየት ይረዳል። ማን ተጠቃሚ ሊሆን እንደሚችል ለማወቅ ይህንን ቴክኖሎጂ በንቃት እያጠናን ነው።
  • በንጽጽር-የተሻሻለ ማሞግራፊ: ከማሞግራምዎ በፊት በደም ስርዎ ውስጥ የንጽጽር ወኪልን ማስገባት ካንሰር እንዲለይ ሊያደርግ ይችላል። በምስሉ ውስጥ የሚበራው የንጽጽር ወኪሉ፣ እንደ እጢዎች ባሉ ያልተለመደ ከፍተኛ የደም ፍሰት ባለባቸው አካባቢዎች በቀላሉ ይጠራቀማል። እንደዚህ አይነት ምርመራዎችን እናጠናለን።
  • ቴርሞግራፊ: ለማሞግራፊ እንደ አማራጭ መጠቀምን በመቃወም የምግብ እና የመድሀኒት አስተዳደር በሰጠው ምክር መሰረት SCCA የቴርሞግራፊ ምርመራዎችን አይሰጥም።

የጡት የራስ ምርመራ እና ግንዛቤ

በጡቶችዎ ላይ በተለምዶ ምን እንደሚሰማዎት በማስተዋል እና ስለሚመለከቷቸው ማንኛውም ለውጦች የጤና እንክብካቤ አቅራቢዎን በማናገር የጡት ካንሰርን ለመለየት እርስዎ ሊረዱ ይችላሉ። አብዛኛዎቹ የጡት ካንሰሮች ዛሬ ላይ በራስ የሚለዩ ናቸው።

በአሜሪካ፣ በጡት ካንሰር ከተያዙ እያንዳንዳቸው 10 ሴቶች መካከል:

  • ስድስቱ በሽታው የተገኘባቸው ምንም ምልክቶች ሳይኖራቸው ያልተለመደ የህብረ ህዋስ ያሳየ እንደ ማሞግራም ያለ የምርመራ ሙከራ አድርገው ስለነበር ነው።
  • አራቱ በሽታው የተገኘባቸው ሴትዋ ወይም የጤና እንክብካቤ አቅራቢው እብጠት ስለተሰማቸው ወይም ሌላ ምልክት ስላስተዋሉ እና ስለተመረመረችስለተመረመሩ ነው።
ጡቶቼን እንዴት ልመርምር?

ጡቶችዎን የሚመረምሩበት ምንም ትክክለኛ የሚባል አንድ መንገድ የለም። ህብረ ህዋሱ ብዙውን ጊዜ ምን እንደሚሰማው ይወቁ። ጥናቶች እንደሚያሳዩት ሴቶችን አንድ የተሰወነ የጡት ራስ-ምርመራ ዘዴ ማስተማር ውጤትን አያሻሽልም። በራስዎ ይመኑ።

ምን ይሰማኛል?

ለሚከተሉት ትኩረት ይስጡ:

  • በጡቶችዎ አዲስ ወይም የተለየ እብጠት፣ ክብደት፣ ወይም ውፍረት ከተሰማዎ—በተለይ በአንድ ቦታ ላይ ከአንድ ወይም ሁለት ወር በላይ የሚቆይ ከሆነ።
  • የሚያሳስብዎ ሌላ የጡት ምልክቶች ካሉ እና ለመገምገም የጤና እንክብካቤ አቅራቢ እርዳታ ካስፈለግዎ።
የሆነ ነገር ካገኘሁስ?

ቀጠሮ ለመያዝ ወደSCCA የጡት ጤና ክሊኒክ ወይም ወደ መደበኛ የጤና እንክብካቤ አቅራቢዎ ይደውሉ። ከቀላል እስከ ከባድ የእርስዎን የበሽታ ምልክቶች ምን እንደሆኑ መለየት የሚችሉ ስለ ጡት ህክመና የሚያውቁ በጡት ላይ በቂ እውቀት ያላቸው ባለሙያዎች አሉን።

ከህክምና ምዘና ጋር አብሮ የሚከተሉት ሊያስፈልጉዎ ይችላሉ:

  • የምስል ምርመራዎች፣ እንደ ማሞግራም ወይም አልትራሳውንድ
  • ሌሎች የህክምና ምርመራዎች እንደ ባዮፕሲ ያሉ ትንሽ የሕዋሳትን ናሙና የሚወስዱ እና በአጉሊ መነጽር የሚመረምሩ
ምን ያህል መጨነቅ አለብኝ?

እርስዎ ወይም የጤና እንክብካቤ አቅራቢዎ ሊሰማችሁ የሚችሉት አብዛኞቹ የጡት ለውጦች ካንሰር አይደሉም። የመጨነቅ ስሜት ከተሰማዎት፣ በወር አበባ ዑደትዎ ጊዜ ወይም ሙሉ በሙሉ ጉዳት በሌላቸው የተለያዩ ምክንያቶች የጡትዎ መለወጥ የተለመደ እንደሆነ ያስታውሱ። ይረጋጉ፣ ከዚያም ለምርመራ ወደ ጤና እንክብካቤ አቅራቢዎ ይሂዱ።

ሁሉም ነገር ደህና እንደሆነ ቢነገረኝ ግን እርግጠኛ ባልሆንስ?

ምርመራ አድርገው ሁሉም ነገር የተለመደ እንደሆነ ከተነገረዎት፣ ግን ሁሉም ወይም ሌሎች ምልክቶች ከቀጠሉ ወይም እየባሱ ከሄዱ እና እርስዎን ካሳሰብዎት ለሌላ ቀጠሮ ይመለሱ።

በዶክተሬ የጡት ምርመራ ማድረግስ?

የክሊኒክ የጡት ምርመራ—የጤና እንክብካቤ አቅራቢዎ ጡትዎን የሚያይበት እና የካንሰር ምልክቶችን የሚመረምሩበት ወይም የተለያዩ የጤና ችገሮችን የሚመለከቱበት—ልክ እንደ አመታዊ የጤና ምርመራ የተለመደ የጠቅላላ ህክምና ክፍል ነው። የህክምና እንክብካቤ አቅራቢዎ የጡት ምርመራዎን ካላካተተልዎት እንዲያካትትልዎት መጠየቅ ይችላሉ።